Proqram təminatı xidmətləri

Bilirdiniz ki, proqram təminatının iki növü var?

Aşağı səviyyəli (Low level) və yuxarı səviyyəli (High level). Əgər yazılan proqram hər hansı bir əməliyyat sistemi üzərində işləyirsə (android, windows, İOS və.s) belə proqramlar yuxarı səviyyəli proqramlar adlanır. Bu səhifəmizdə yuxarı səviyyəli proqramçılarımızın xidmətləri ilə tanış olacağıq.

Programçı kimdir?

Proqramçı tələb olunan funksiyaları müxtəlif proqramlama dillərindən istifadə edərək bir və ya bir neçə əməliyyat sistemində çalışmasını təmin edib, funksiyalara daxil olan dəyişənləri və funksiya nəticələrini istifadəçiyə oxunaqlı formada təqdim edən mütəxəssilərdir.

Proqramçılar əsas vəzifələrinə görə aşağıdakı qruplara bölünür.

Front end developer

İstifadəçilərin görə bildiyi və qarşılıqlı əlaqə yarada bildikləri interfeysi (UX/UI) təmin edən proqramçılardır.

Back end developer

Proqramın arxa planında istifadəçilərdən xəbərsiz çalışan və proqramın istənilən funksiyaları yerinə yetirməsini təmin edən, məlumat bazasını yaradan proqramçılardır.

Full stack developer

Həm interfeysi həm də arxa planda çalışan funksionallığı təmin edə bilən təcrübəli proqramçılara deyilir.

Hansı tip proqramlama dillərindən istifadə edir?

Proqramçılar layihənin tələblərindən asılı olaraq müxtəlif proqramlama dillərindən istifadə edir. Bu dillərə data bazanın təmini üçün SQL, qəliz hesablamalar üçün C++ və interfeys dizaynı üçün JavaScript, CSS kimi dilləri misal göstərmək olar.